يامسندي قلبي على الدوم يطريك ,, ماغبت عن عيني وطيفك سمايه
هذي ثلاث سنين والعين تبكيك ,, ماشفت زولك زايرن ياظنايه
تذكر حياتي يوم اشيلك واداريك ,, والاعبك دايم وتمشي ورايه
ترقد على صوتي وحظني يدفيك ,, ماغيرك احدن ساكن في حشايه
واليامرضت اسهر بقربك واداريك ,, ماذوق طعم النوم صبح ومسايه
ياما عطيتك من حناني وباعطيك ,, تكبر وتكبر بالامل يامنايه
لكن خساره بعتني اليوم واشفيك ,, واخلصت للزوجه وانا لي شقايه
انا ادري انها قاسيه ماتخليك ,, قالت عجوزك ماابيها معايه
وخليتني وسط المصحه وانا ارجيك ,, هذا جزاء المعروف وهذا جزايه
ياليتني خدّامتن بين اياديك ,, منشان اشوفك كل يوم برظايه
مشكور ياوليدي وتشكر مساعيك ,, وادعيلك الله دايمن بالهدايه
حمدان ياحمدان امك توصيك ,, اخاف ماتلحق تشوف الوصايه
اوصيت دكتور المصحه ويعطيك ,, رسالتي وحروفها من بكايه
وان مت لا تبخل علي بدعاويك ,, واطلب لي الغفران وهذا رجايه
وامطر تراب القبر بدموع عينيك ,, ماعاد ينفعك الندم والنعايه
zms@hotm4il.com
الثلاثاء نوفمبر 23, 2010 4:42 am
بمعنى الكلامات