قــصهــ محـشــش فــي بــطن امــهــ

في البداية يوم كنت نطفة ظنيت إني من كريات الدم البيضاء
ماعرفت إني من بني البشر إلا لما قالت( الدكتوره ) لأمي مبرووكـ ياست هانم إنتي حامل


عاد أمي من الفرحة حطت يدها على بطنها في المكان اللي أنا موجود فيهـ عرفت إني المقصود وفهمت إني مشروع بني آدمي . .
بيني وبينكم ضاق صدري .. قلت شلي بعوار الراس أطلع لعالم ثاني وأصير إنسان وفي حساب وعقاب وأدرس .


همست لي عقلي قال إحمد ربك بتطلع وبيصير عندك إيميل وماسنجر صج أنه يملل بس ماعليه وتشترك في منتديات و تتعرف على بنات ,,
قلتلها وأصير مشرف في منتدى قالت كل تبن إلا هذي.,
استانست أنا قلت عيل بطلع اللحين قالت تو الناس باقي تسع شهور (تحطيم)ـ .,


ولما صار لي خمس شهور كنت حاس إني ذكر بس قلت يمكن أكون بنت - لحوووول
قعدت أقطع من الشعيرات الدمويه وأقول غلام فتاه.. صبي صبيه.. بزر بزرهـ


وأنا أفكر سمعت صوت أبوي يكلم أمي حاولت أركز شنو يقولها قربت إذوني طلع أبوي يتغزل في أمي
(تم تشفيره .....) كنت بتصل عليهم وأقول إستحوا أنا أسمعكم بس لم تسنح لي الفرصه
بصراحه إستحيت من كلام أمي وأبوي قلت أنام أحسن لي عيب أتصنت عليهم بعدين يعاقبني ربي
ويصير ولدي يتصنت علي


قعدت أمص اصبع ريلي لين نمت وبعد فتره سمعت صوت قوووي يتجه ناحيتي قمت بطولي
إلا ويرتطم راسي ببطن أمي آآآآخ بس قوة الصوت نستني العوار الله لايوريكم جنه شلااال مدحدر علي أحاول أنحاش
مني ولا مني هني ولا هناك مافيه مجال ربي ستر ومر من يمي وماتأذيت طلعت أمي اللي يهديها
شربت ماي بكميه كبيره على غير العاده بس والله استانست قعدت ألعب بالمااي بريووولي كنت بسبح بس ماعندي مااايوه..


لما جاء الشهر السابع راحت أمي ومعاها أبوي للدكتوره تطمئن أمي على صحتها
طبعا نامت أمي على السرير وابوي واقف يمها ( بيحسسها بالأمان ) قلت حشااا ليش انتي حامل بوحش !!


الدكتوره حطت الجهاز على بطن أمي وبدأت تحرك يمين يسار فوق تحت وههم يشوفوني على الشاشه
عاد أنا قمت أتدلع واحرك ريلي وأفتح عيوني وأغمضها بنعومه وأمص أصبعي .,


وأمي وأبويا يتبادلون نظرات الحب والرومانسيه ويبتسمون ويوم شالت الجهاز وإنقطعت عن الرؤيه
وأنا أقول فكه جنه عمرهم ماشافوا بيبي

عاد سألت أمي الدكتوره متى موعد الولادة قالت باقي شهرين سمعت الخبر
واييني إنهيار عصبي شهرين يامفتريه خلاص أنا مليت انقمت الجووو حار مافيه الا مكيف صحرواي حتى مايبرد
قلت مايصبرنا غير النوم ونمت شهرين (نومة أهل الكهف)


قعدت من النوم وحسيت بملل وفراغ قاتل حاولت أرفه عن نفسي ورحت ألعب لعبة الحبل بإستخدام الحبل السري
وأجلس أنقز وأغني شبره أمره شمس نجوم كواكب هواء واحد اثنين ثلاثه هيييييييييييييييه ...


وفجأه من قوة النقزة تزحلقت وأنقلبت و صار راسي تحت و ريولي فوق قامت أمي تصررخ .,


أخذها أبوي على طووول لأقرب مستشفى قال الطبيب هذي ولااااااااده لما سمعت الخبر وأنا أفرح مابغينا نطلع
وبديت أكشخ وارتب نفسي أستعد للقاء الأول مع صديقي بالحضانه
وأمي كل شوي تتعالى صرخاتها حطوها على السرير متوجهين لغرفة الولاااااده وأبوي يمشي يمها
ويقولها لاتخافين أنا معاج ترد أمي أخاف أموت وانا اولد , أبوي رد عليها والدموع تنهمر من عينيه يا عيل يومي قبل يومج
<===<< متأثره بالأفلام


وأنا أقول ماوصلنا لغرفة الولاده إنقمتنا ياهوااااااا هوّوووووووونا .,
طبعاً نقلوا أمي لسرير الموجود بالغرفه وجاء الدكتور ومعاه النيرسات .,
قال الدكتور لأمي زفيييييييييير أمي فهمتها عكس أدتها شهييييييييييق واذا انا اللي أنشفط وأدخل دااااااااخل طقيت أمي بكوعي
قلتلها يقولج زفير زفير الظاهر أمي اسمعتني وزفرت زفرة وتدفعني أمي بقوه وأنا طلع سرعتي 180 ميغابايت
وطلع كل شي فيني الا خشمي قلت لحووووول هذا اللي كنت خايف منه


إستدعى الدكتور الطاقم الطبي عشان يطلعون خشمي حاولوا المره الأولى والثانيه مانفع وبعد ثالث محاوله طلعوه ( الثالثه ثابته )
جلست أبكي وأقول للدكتور غض البصر
وتشيلني النيرس على ايدها وتلفني بذاك الأبيض
ياسلاااااااام وأخيرا انتهت معاااناتي