ROONZ AZIIZ عضو نشيط
عدد المشاركات : 41 نقاط : 65 تاريخ التسجيل : 10/11/2010 العمر : 29 المزاج : أسـأل آلـزمن
| موضوع: قصتي:كانت بين ضلوعي ولكن ...! الأحد نوفمبر 28, 2010 8:13 am | |
| [justify]كانت مابين ضلوعي ومدفونه بقلبي ولكــــن ماتابـت والزمن بيكمل عليها !!
تسآؤلات:: شنو هالشئ اللي راح ومراح يعود لو الزمن يعود فينا !
لقيت الجواب ؟! دورت عدل ؟! نبشت بجروحك ؟! تعلمت من اخطائك ؟! بجيت قبل لايبجي الزمن عليك ؟! ولا ناطر الزمن يدرسك درس ثاني ؟؟ يعطيك من آخر مشوارك ويراجعلك اول تجاربك ! ماعرفت تفرق بين الطيبه والشئ الزايد ؟؟ مستغرب الدنيا تغيرت بس انت ماتغيرت ! متى بتفهم وتصحصح من نومك العميق من هالدنيا نرسم احلام ورديه وغير الكوابيس مانلقي ! بتقول :: "يوم لك وعشره عليك" ~> ملينا منها ! بتقول:: "باجر بيكون أحسن" ~> لي متى بتقص علي نفسك ؟ لحد الحين مو حاس انك ماشي بالمقلوب ؟؟ ولا تعتقد انك ماشفت لافـت الزمن" كـن حـذر " تدري شنو وضعك ؟؟ تبي اردك ورى شوي شوي عشان تتذكر ؟؟ تذكر :: t]ماشي مع ربعك بدرب حياتـك فجـأه ! طحت ! صارخت ! بجيت ! تلتفت حولك تتسآئل وينهم اللي كانوا قبل حولي ! ] رآحو عنك , خلوك بروحك , نسوك بنص الطريج , طيحو من قيمتك ! تبدى الندامه الحين , بس ! شـبيفيدك الندم الحين ترى الوقت راح !!! تدري ليش قطوك !! نرجـــع شوي .. تذكر لما توعد واهم يخونون ؟؟ لما توفي واهم يكسرون ؟؟ لما تعطي واهم بس ياخذون ؟؟ لما تبني واهم يهدمون ؟؟ نـاس تستاهلها وناس تكفر اذا عطيتها !! قطوك بسبب [طيبتــــك] هذي الدنيا خلت الطيبه مقلوبه والطيبه بين اعز الناس مومطلوبه تراها دنيا فانيه .. مصيرهم :: بيتذكرون أفعالك ومرد الزمن بيجمعك معاهم !! بس السؤآل اهنئء ::
1- بتقــدر تــواجههم وعلى خطأهم تعاتبهم ؟؟ 2-ولا بتنسى وتضحك بقمه غبائك ؟؟
اعضاء منتداتنا المتيمهاوي ... بعضكم يقول " هذي شفيها خارتها و تقط خيط وخيط"وبعضكم يقول "شالقصه وشالمستفاد " ! هذا شي لقيته بقلبي منخش ويتفادى المواجهه !! هذي قصة حياتي ,, والحين اقدر اقول انكم عرفتوني .
نصيحه :: تعلم من قصتي وشلون كل غالي راح من حياتي ,, لاتعطي وايد عشان لا تتندم ! تذكر :: مو كل من قال [أحبك] طلعت من قلب ,, مو كل من [ضمك] قصده بيدفيك ![/justify | |
|